向阿sir揮手+我的恩人蔡蔡子

昨天收6點，遲左10分鐘左右入錶，即刻就俾人整左張牛肉干---盛惠$70大元!!!又出血...哎!!!沮喪~

今天，3:55PM左右，蔡蔡子返工，經過分流處時，對我說外面有阿SIR抄牌ar，黑色車，唔知邊個ga?我 聽到後，先忽然醒覺︰下，我唔記得入錶ar!!!一支箭咁飛左出去，係對面街見到阿SIR已係架車前落咁單(因為具有關人士透露落左單後就冇得話唔算或作 費)，即刻係對面馬路又揮手又大叫︰""阿SIR，阿SIR..阿SIR....唔好抄ar!!!""苦苦的呼喚，阿SIR終於聽到，轉後頭見我跑咁上 黎，笑笑口同我講︰""原來係你ar，快d入返啦!!!""之後就紮住佢架綿羊仔，急速離開了!

為報答恩人蔡蔡子，想乘機送上做招待時鏡記派的十月初五蛋卷(因為包裝真係好似可樂)...誰不知蔡蔡子一見到就話︰""我唔要哩個ar，我要可樂ar!!!"".......果然係可樂怪!!!最後為報恩都係雙手奉上一罐--可口可樂!!

不過諗到自己係對面馬路又揮手又大叫個樣(好似電視上電波少女飛出馬路截車咁)，真係好失禮，又搞笑，哎，下次真係要記得，亦千萬不要為左1蚊銀而斷送$70大元，唔劃算!!!

一個的自由，兩個人的孤單

[痛是好的，提醒自己距離愛和自由還有多遠。]---引自素黑

在兩個人之前

兩個人之前---享受著共飲一杯咖啡的甜蜜

兩個人之前---多了依賴與傻氣

兩個人之前---習慣另一半的關心

兩個人之前---開心的結伴出遊

兩個人……能做的事情太多太多

在一個人之後~~

一個人之後---獨自享受的咖啡

一個人之後---多了堅強與勇氣

一個人之後---習慣自己承擔好與壞

一個人之後---隨心所欲的出遊

一個人……能做的事情太多太多~


一個人的自由，兩個人的孤單

白老鼠的收穫--我願意

好開心又可以試食我最愛之一的甜品啦!!!

仲要係Cheese Cake~

評價︰
(1)外觀色澤吸引，厚厚的Cake，和它本身的份量一樣，感覺很充實，放在前面已可聞到淡淡芝士的香味，想像芝士味一定不錯!!!!!!

(2)當芝士的味覺充斥我的口腔時，由心不自覺吶喊--我願意再做白老鼠!!!

PS︰朋友，記住我係你永遠的白老鼠!!!

哈哈~期待你下次的作品~

這樣的戲劇竟然發生在我身上...

超悲哀!!!
勁無奈!!!
真傷心!!!
很激氣!!!
....................

人生谷底到底又幾深???

今天去左整頭髮，一去到，就洗頭，洗完頭坐係鏡前覺得有d野怪怪地咁，一望自己一邊耳環唔見左!即刻好緊張咁講︰"我個耳環呢?好重要ge哦..."

洗頭個人即刻同我去搵.....結果都係搵唔到!我同佢講，再同我搵下，個係鑽石黎ge(家姊剛送的生日禮物--雖然不像明星般成幾卡咁大，但起碼係周生生ar)，再搵下!!!

結果佢同我講，都係搵唔到，可能已沖落水渠!!!

我可以點???發脾氣???大吵???大鬧???叫佢賠???定係反轉間鋪周圍搵???.....

我可以點???

D心情真係跌落谷底!!!
真係有d想即刻走!!!
....................
....................
事實--已成定局!!!已可能發生鑽石被沖落水渠ge戲劇結局，我可以點???


自我安慰︰或者人生未必一帆風順，喜憂參雜可能更痛苦，甚至讓你更加覺得開心並不容易，知足才可常樂，心寬才可容大!!!

祈禱︰不幸事情快d離我而去....


Good Luck For ME!!!

世人的關注२००9-६-1

它是否如期開幕是世人的關注;

它是否開幕亦是世人的關注;

它開幕後是否營利更加是世人的關注;
........................................

因為經濟不景，博彩業開始飽滿，澳門是否還是賭博天堂呢?

它不經意間成為世人的關注~

心----------空

今天NO亦是我大假的第1天，幾充實!!!

雖然no，但都堅持考左CPR，即刻鬆曬~一個字--爽!!!

夜晚仲睇左<<未來戰士>>，劇情都幾緊湊，都幾多特技鏡頭，係咁爆炸，仲有電單車、貨車、飛機等混雜戰...依然透露科技始終不可永遠取代所有東西，總知,都值得睇!!!

http://hk.movies.yahoo.com/movie.html?id=mcl_terminatorsalvation


不過有些擔心大假唔知作咩好??? 心----------空!!!

十字車王--一餐飯的波折

知道會送症，又肚餓，已即刻入去叮飯，想以最快的速度食完，以免餓親肚仔(因為唔知幾時可以返氹仔)~

剛叮完飯時，阿姊打電話入黎確認要送症，於是9秒9咁火速加快牙齒咀嚼的頻率...

誰不知道食左3-4啖飯同秋刀魚(入黎前後最多10mins)，就聽到外面倒車的聲音，心想︰唔係咁快ar~想繼續食多兩啖，但心諗，都係算了，費事因為我要食飯而要病人同其他工友或司機等!於是便蓋上飯盒，心諗︰有緣--先再食啦!哩個時候，有同事見到，即刻劝我繼續食，如真係得時，阿姊自然會打電話入黎叫我出去...但我都係想出去睇下!

原來係消防送左1個飲燙後呼吸不暢的婆婆黎，當時除醫生、助護、消防之外，就只有我一個護士，於是...就做治療、打針、抽血等，到7788時，本院的十字車終於黎了，於是就送症過大大院!走前司機已講，唔知幾時可以車我!走前司機已講，唔知幾時可以車我返，因要車大人物先...

之後仲要帶埋老總再過黎轉送剛才消防送黎的婆婆(返到時分流同事同我講佢好肚餓，當時已20:30左右，我都好無奈咁講，我都好肚餓，但仲要送多次症)...送症時，仲帶埋Abubag等，好彩係R房穩定病人後，有另一名護士拔刀相助，幫我送症去病房.(感激至極，當時已22:00左右，再唔跟司機走，就真係要等23:00多啦~23:30我地平日收工時間)

22:30返到，搞定手尾，22:40入去再叮飯，望住已叮到""乾增增""的秋刀魚同餸，雖然唔吸引，但都翠翠地將就意思下~

不過D同事都辛苦曬啦~